Donapaleuko fraideen anaidiari buruzko idazkiak:
Manex Erdozaintzi-Etxarten fraide-bizitza Donapaleun gauzatu zen batez ere, eta Donapaleuri biziki atxikia egon zen beti, baita Anaitasuna Domintxineko anaidian egon zen bitartean ere. Donapaleuko komentuko erretore edo guardianoa izan zen hainbat urtez eta etxe horretan utzi zuen bere aztarna fedea eta euskaltasuna ulertzeko maneran batez ere.
Atal honetan Donapaleuko etxearekin lotutako agiriak biltzen dira. Eskutitzak eta, oroz gain, anaidiaren gogoetak, asmoak eta jarduerak agertzen dira. |