() Eskual-Herritik kanpo bizi naiz bizpalaur urte hautan eta aitortu behar dut axaletik baizik ez dutala ezagutzen Eskual-Herriko mogimendua eta eskuratu ahal dituztan liburu ala agerkariak beti tarrapan irakurri ditut barnagotik aztertu gabe ()
Herria eta Zeruko argia lehen baino apainduago eta mamitsuago, pentsaeraz elgarri hurbilago ere ateratzen dira ()
Kaseta hautan da aurkitzen nire iduriko zerbait eskual pentsaera, batez ere eskualdungoa finkatzea eta eskual batasuna egitea Europa berri batean. Bestalde kaseta hauien medioz gazte zonbait atrebitu dira eskuaraz idazterat, kaseta hautan egin dituzte beren lehen entseguak: zerbait ba zuten idazteko eta beraz zerbait erraiteko eskualduneri ()
Politika sailean, azken urte hautan moldatu diren eskual olde argituenek beren agerkarietan ezagutarazi dute beren doktrina: eskualdunen bat izan nahia, gero bere jokaeran askotan elgarretarik urruntzen badira ere () |