MANEX ERDOZAINTZI

GURE GORPUTZAREN KONDAIRA

Etxeratzen ginenean

Ukaiak hantuak

Etxeratzen ginenean

Belaunak zaurituak

Gauak eta egunak

Geure ukai hantuetan

Ilargia eta eguzkia

Geure belaun zaurituetan

Buztina eta harria

Geure esku sarraskituetan

Amak garbitzen zizkigun

Errekako ur garbian

Amak soleitzen zizkigun

Urritz hostoz gantzutzen zizkigun

Ukaiak, belaunak, eskuak

Eta oro...

Amak

Erreka bazterrean

Gau eta egun saminetan

Kondatzen zizkigun

Ilargiaren eta eguzkiaren

Lurrarekiko

Ezkontza liluragarriak

Itsasoetan

Oihanetan

Mendietan

Gure gorputzaren erraietan...

Amak

Kantatzen zizkigun!