MANEX ERDOZAINTZI

ASTERI LAINOTSU BATEZ...

Herriz-herri kondatzen diren
historio-misterio arruntak...

Mamutxa horiek

mar mar-mar-mar-mar

mamutxa hauek

beren aztapar luzeekin

beren begi beltzekin

leporaino harmatuak

ari ziren ari trukian

tronu baten inguruan...

mamutxa hauen lepotik

mamutxa hauen gainetik

mamutxa hauen aurretik

eta atzetik

eta sahetsetatik

harmen puntan

harmen barruan

begi gorri belztuak

aztapar laburrak

aztapar bilduak

Marmutza

Una

Grande

Senile

ari zen ari mamutzen

bere tronuan...

asteri lanotsu batez

ilargia bustia zen batez

nihork uste ez zuen batez

ostiko ukaldi batez

delako tronua

bota zuen

herriak...

mamutxa horiek

marmar-mar-mar-mar

mamutxa hauek

harmen barrutik

harmen artetik

aztaparrak luzatuz

aztaparrak zorroztuz

errabia gorrian

harrotu ziren

barreiatu ziren

nahas-mahas

itzulipurdika

tronu azpian

tronu gainean

tronu aurrean

eta atzean

eta sahetsetan...

hasi ziren hasi

kalda gaitzean

marmutza

klikatzen...

...geroxeago

ilargia

xukatua zen...

1975eko Martxoan

<< Olerkien zerrendara itzuli

Gipuzkoa.net
2011 Kultura, Gazteria eta Kirol Departamentua - Gipuzkoako Foru Aldundia
Creative Commons