MANEX ERDOZAINTZI

GURE KANTUAK

Kantuak ez dira ixildu

Kantuak ez dira ixiltzen

Geure mendi, zalai eta etsasoetan

Kantuak derabilzkigu

Geure mugimendu guzietan

Bakarrik ala elkarrekin

Kantu zahar eta berriak

atxikimenduz eta errabiaz

Sentimendu kantuak

Salapen kantuak

Iraultza kantuak

Dohatzi agerian karrikaz-karrika

Plazaz-plaza, dohatzi ahoz-aho eta

Zinetan, diskoetan, derabilzkigu

Festa buruetan eta manifestaldietan

Fresko ala mozkorrak garelarik

Dohatzi beren bideak zilatuz

Dohatzi zintetan, diskoetan, liburuetan bilduak

Sloganetan borobilduak

Herri mobilizatzaile

"Gora Euskadi Askatua"

Karrikaz-karrika, plazaz-plaza

Aho-mihietan oihukatuak

Eremu debekatuak urratuz

"Herrian bizi nahi dugu"

Derabilzkigu sloganetan zorroztuak

Herri esnatzaile

Herri akulatzaile

Herri honen mintzoa

Karrikatik plazaraino

Ixiltzen ez den irrintzina samina

"Herrian lana"

"Herrian lana"

Oihartzun etengabea

Sentimendu kantuak

Kexu kantuak

Iraultza kantuak

Uzina eta baserrietako

Mehaztegietan

Kantu amestuak

Kantu oratuak

Kantu sloganduak

Dohatzi, dohatzi

Amodio eta zorion

Intziri eta garrasi

Dohatzi, dohatzi

Beren bideak zilatzen

Beren bideak irekitzen

Beren bideak largatzen

Beren espazioak jabetzen

Gure Herri langilearen

Kantu samurrak

Kantu sloganak

Derabilzkigu eta

Daramazkigu...

ixilduko ez den

Irrintzina hezgaitza!

<< Olerkien zerrendara itzuli

Gipuzkoa.net
2011 Kultura, Gazteria eta Kirol Departamentua - Gipuzkoako Foru Aldundia
Creative Commons