MANEX ERDOZAINTZI

HERRI BAT

Batek

Herri bat

Herri bat

Herri bat

Taldeak

Herri bat

Herri bat

Erdi-minetan

Herri bat

Herri bat

Sortzer zaigula...

Guziek

Herri bat

Herri bat

Euskal lurretan

Herri bat

Herri bat

Sortua dela...

Batek

Lore batek erran didak: "Ez egin nigarrik..."

Taldeak

Atzo goizean argi xirrintak gaua zuela urratu

Euskal Herriko zelai meharrak gainez-gain ziren alaitu

Irauli mendi aldaiak aldiz alor gizenez joritu:

Gure lurraren auhen saminak nork ote ditu baretu?

Batek

Behin Amak erran zidak: "Ibil hadi azkar..."

Taldeak

Geroztik gutan mugak hautsirik idoki dugu kartzela

Nola izarrak atera gara jende libroak bezala

Goienetatik miretsi nahiz itsasoaren zabala:

Herri bat bila baitoa zalu sutan daukagun odola!

Batek

Lagun batek erran didak: "Ez hadila lotsa..."

Taldeak

Bizi gareno urrats berean izanen gaituk bildurik

Gogo-bihotzak asmo beretan aspaldidanik gerturik

Askatasuna guretu arte ez baitukegu pausurik:

Gure semeek aurki gaitzaten zango-besoak ernerik!

1973.ko Irailan

<< Olerkien zerrendara itzuli

Gipuzkoa.net
2011 Kultura, Gazteria eta Kirol Departamentua - Gipuzkoako Foru Aldundia
Creative Commons