MANEX ERDOZAINTZI

KANTA ZAK XORIA

Bakarrik nuk asteri huntan

Eta ganberako leihotik, beha nagok,

Nor kausituren dutan ene soleitzeko.

Nor hautemanen bihotzeko goibelaren ohiltzeko.

Mututua, lo, dagok bixta aintzinean dutan

Mendi bizkar luzea:

Ez dik gaur enetzat mintzorik,

Ez bainau senditzen bere erraietan ibilki.

Zeruari begira nagok: hauts bir-biraz estalia?

Biak trixte-kide gisara? Nola kontsola

Ene barneko trixtura?

Haugi to xoria, irriz aro berriari

Alegera zak ene barneko mundua

Urrun-zkidak gogoratzen zaizkitan

Aments gaixtoak...