Alegera dira
Alegera
Igande bezpera
Delakotz
"Baso bat arno edaten baginu?"
Ostatuan sartzen dira
Sartzen dira eta jartzen
Arnoaren gozoa
Eta gozoaren beroa
Arnoa edaten dute hurrupaka
Eta hurruparen xirrinta
Begietan pindarra
Bihotzean pilpira
Sortzeraino
Gauerditan
Alegera dira
Alegera
Igande bezpera
Delakotz
"Maite zaitut o zoin maite!"
Tinkatu dira tinki-tinkia
Karrikan behera jautsi
Eskuak eskuetan, koropilatuak
Gaua-gauari buruz
Zuhaitzen ilhuneraino
Emeki, emeki
Hitzak murtxatuz
Amodiozko
Elheraino
Gauerditan
Alegera dira
Alegera
Igande bezpera
Delakotz
Amak lisatu zaiak Mirentxu'k
Ohe gainean pausatu ditu
Ellande'k oinetako berriak
Mirentxu'ri erakutsi eta goititu
Etzan dira biak
Besarka, eta
Besarka lokartu
Ametsak kundatuz
Lillurean
galtzeraino
Gauerditan
Ikatz gorriak bildu ditu
Amak hauts pean
Eta gorde
Eta gorde
Bihotzean
Ikatz gorriak
Eta sua
Ixiltasunean
Igan da
Bere gorputz
Nekatua
Etzan du
Gauerdi
Irian
