POETA BAT NERE ERRAIETAN...
Zangoak eta besoak
Falta ditut
Ebaki dizkidate
Ari ziren ari ziren
Indarka eta izerditan
Ogi jotzeko mekanikaren erritmoan
Errauts eta burrunba
Ari ziren ari ziren
Anaiak eta hauzoetako gizonak
Mekanika bazkatzen, lastoak altxatzen,
Bihi zakuak karreatzen
Ahotza baztertzen.
Batusaren erritmoan
Bipil, zalu, erne
Bata bestearen ondotik
Bata bestea lagunduz
Orenak eta orenak
Batetik bestera
Bazen solas, arralleria, kantu eta zinka
gure etxondoko bazterretan...
Haur ttipi bat
Bazabilen batetik bestera
Ogi jotzeko mekanikaren burrunbak
Batetik bestera, irri eta josteta,
Haur ttipi bat bazabilen trostan
Batusaren erritmoak xoratua
Anaien eta hauzoetako gizonen
Zangoetan batetik bestera itzulipurdika
Irri eta josteta, kantu eta zinka
Gure etxondoko inguruetan...
