Kartak mahai gainean pausatuko dituzu
Eta saiatuko zara zeure geroa zilatzen
Irri eginen duzu kartak itzulikatzean
Zeure erhi punttetan kartak erabiltzean
Eta oraino ainitzetan, halako arralleria moduan
Bainan askitto serios
Lagunen eskuko lineak ikuska
Bizitzaren ildoak ateratzen saiatuko zara
Artoski eta serios arralleria izkinean
Bizitzaren itzuli-inguruak segitzen
Ibiliko zara
Eta ongi dakizu
Deus ez duzula jakinen
Zeure eta besten bizitzako ildoetan
Deus ez duzula ateraturen
Badakizu joko bat dela xoilki
Karten harat-honakatzea
Eskuko ahurrean lineak irakurtzea
Joko liluragarri bat dela
Badakizu!
Eta uste duzu halere
Halako batez egia bihurturen zaitzula
Kartak eta lineak
Zeure bizitzaren erraietan kokatuko direla
Eta egia bihurtuko zaizkitzula;
Kartak pausatzen eta itzulikatzen
Segitzen duzu
Eskuko lineak irakurtzen
Saiatzen zara
Halako arralleria moduan!
Irri egin genuen...
Jakinen zenuen
Sinesgaitz nintzela.
[1981]
