(Bertsolariek presentatzea egin ondoan...)
Berriz BURGOSEN
BARZELONAN
eta MADRILEN
funditu daukute Zuzentasuna.
(..... musika .....)
Berriz ere BURGOSEN
BARZELONAN
eta MADRILEN
fusilatu daukute Askatasuna.
(.....musika.....)
BURGOSEN
BARZELONAN
..eta MADRILEN
Angel OTAEGI
Juan PAREDES MANOT "TXIKI"
José SANCHEZ BRAVO SOLLAS
Ramón GARCIA SANZ
José UMBERTO BAENA ALONSO
hil dauzkigute.
(.....musika.....)
KANTUA: Ez, ez dut nahi
Ez holako zibilizaziorik
.............................................................
Haien urrats herrestoak galdu dira Espainiako karriketan
Haien mintzo soinuak ixildu dira presondegiko gauean
Haien gorputz gordinak itzali dira lurreko jauntzian...
(... musika ...)
Bainan zuzentasuna ez baita hola hiltzen...
Askatasuna ez baita hola kalitzen...
Herri langile bat ez baita hola hezten...
Bat, bi, hirur eta mila bihotzetan
Zuzentasun berriak ari dira sortzen...
Bat, bi, hirur eta mila bularretan
Askatasun berriak ari dira loretzen...
Bat, bi, hirur eta mila menditan
Herri langile berriak ari dira xutitzen...
(...musika: azkar eta gero eztituz...)
Bainan zuzentasuna ez baita hola funditzen...
Askatasuna ez baita hola itotzen...
Herri langile bat ez baita hola fusilatzen...
Haien urrats herrestoak ezagun dira mendiko xenderetan
Haien mintzo soinuak entzuten dira etxaintzineko atean
Haien gorputz gordinak ibilki dira herriko plazan.
(...musika: azkar-azkarra)
Bat, bi, hirur eta mila bihotzetan
berriak ari baitira sortzen...
Bat, bi, hirur eta mila bularretan
skatasun berriak ari baitira loretzen...
Bat, bi, hirur eta mila mendietan
Herri langile berriak ari baitira xutitzen...
Herri langile honen ogian eta arnoan
Hil dituztenen gorputz gordinak eta odol beroa
Hil dituztenen mila amets eta burruka
Zuzentasun berriak ari dira sortzen...
Herri langile honen ogian eta arnoan
Hil dituztenen mila nigar eta kantu
Askatasun berriak ari dira loretzen...
(...musika azkar-azkarra...)
Eta mila herriren oletan
ekintza gogorrak ari dira moldatzen...
Eta mila mutikoren gogoan
amets argiak ari dira dantzatzen...
Eta mila neskatxen ezpainetan
kantu alaiak ari dira loretzen...
Herri langile honen ogian eta arnoan
bizi berri bat ari da azkartzen...
(...musika alaia...)
[1975]
