AMAREN AMENTSA!
Amaren amentsa, oi zer amentsa, izigarria!
Bazterrak ilhuntzen ari, kanpoan ichiltasuna hedatzen orduan lurraren gainean.
Aditzen bakhar(r)ik alhor(r)etik etcherat heldu diren langilen urhatsa.
Langilen urhatsa, zer urhatsa, segur akhitua!
Aditzen ere, mendian gora, abian diren ardien juare ederra
Artzaina gibeletik hichtuz, batzutan kantuz
Artzainaren kantua, zer kantua, charmegarria!
Aditzen oino gure pentzetan otte maiteen kantua,
Bai ere herriko ezkila "Angelus" jotzean
Herriko ezkila, zer mintzoa, Jainkoaren botza!
Orduan ikhusten, Eskualdun gizona, burhas jartzen
Jainko onari du eskaintzen bere othoitza,
Eskualdun othoitza , zer othoitza, Amodiozkoa!
.........................................................
Amaren amentsa, zer amentsa, izigarria!
Suphazter chokoan zagon haurra, ohakoan
Untsa lo eginik huna nun den jatzartua
Besoetan amak hartzen du bere fruitua
Beroki aphaindu eta pausatzen altzoan
Amak dio emaiten haurrari janaritzat
Bere bizitik harturik duen hoberena
Eskaintzen dio amodiorik ederrena
"Bai, haurra! neure odol guzia, to hiretzat!"
Amaren amentsa, oi zer amentsa, izigarria!
Ņini pollitari zoin den gocho behatzea
Ichilik dago irri eztiņo bat eginez
Alde guzietarat begi ukhaldi emanez
Hartzen duela, Amak eskaini edaria.
Ilhunpe egiten du etcheko sukaldean
Salbu bethi hor dago, chamindeiko su-garra
Ar(r)atsean phizturik dagon argi bakharra
Egoitzako biziaren itchura munduan!
Amaren amentsa, oi zer amentsa, izigarria!
Zonbat aments ez du, hormaren sahetsean
Amak egin, bakhar(r)ik zelarik baraturik
Gauzak oro beren lekhuetan altchaturik
Belhauniko dago Jainkoari othoitzean.
Zeruko Aita, milesker, egin nuzulakotz
Zoin den eder zuri osoki eman bizia
Guretzat dugularik mundu zabal guzia
Zu ohoratuz, hor dago, gizona, bethikotz.
Amaren amentsa, oi zer amentsa, izigarria!
Milesker eman dautazun familiarentzat
Aita, haurrak, denak zutan atchik gaitzaguzu
Gure sofrikario, bozkario, harkitzu
Lanaren fruitu guziak, ditugu zuretzat.
Orai nahi nuke egin, oi Jainko maitea
Dutan eskaintza guzietarik ederrena
Nitarik sorthu den fruituetan hoberena
Ene haurretan egintzazu zure hautua.
Amaren amentsa, oi zer amentsa, izigarria!
Aments faltsu ditake othe ene eskaintza?
Barkamendu nitan den ahulkeriarentzat
Bainan nahi nuke osoki izan zuretzat
Seme bat aphez: zutan duket nere egoitza!
Seme bat aphez: zure Izena heda dadin
Arimer erakuts dezan zeruko bidea
Dener zabalduz zure bihotzeko athea
Ohore zuri, mundu guzitik altcha dadin.
Amaren amentsa, oi zer amentsa, izigarria!
Seme bat aphez: eskaintza osoa ditake
Ez bakhar(r)ik enea bainan munduarena
Segur Jesusekin batean dauzut erraiten
"Oi Jauna ez egin nik nahi nuken bezala
Bainan izan dadi, zuk nahi duzun bezala"
................................................
Amaren amentsa, oi zer amentsa, izigarria!
Bihotza allegera, urhatsa arhindurik
Amak oheratekobidea hartu zuen
Fitechko lo ezti irus batean sarthu zen
Girichtino eginbide guziak betherik
Bai Amaren othoitza, Jainko Aitak du aditu
Geroztik Jainko onak bere sarea du hedatu
Amaren haurra bere aphezgisa du hautatu
Nun amaren amentsa egiazki den gerthatu!
1953ko maiatzaren 31an, Amen phestaz
