MANEX ERDOZAINTZI

HIL ZORIAN OTE GARA?

I

Hire begiak, Anaia

Euskalduna

Hire begiak

Atzo

Bi solasen artetik

Hire ezpainak, Anaia,

Donostikoa

Hire ezpainak

Atzo

"Gure Euskal Herria

Hil zorian duk-eta..."

Bi solasen artetik!

Hire mintzoa, anaia,

Presindegitik

Hire mintzoa

Atzo

Bi solasen artetik!

Begiak

Ezpainak

Mintzoak

HIREAK

NEREAK

EUSKADIZANPATUAN.

II

Xutitu gaituk

Xutik egonen

Gaituk

EUSKADI

Gure lurra iraulitzeko.

Xutituko dituk

Anaia

Donostikoa

Xutituko dituk:

Xuberoan

Bizkaian bezala

Alaban eta

Nafarroa osoan

Eta nola ez Lapurdin

Gipuzkoan

Bezal-bezala...

Xutituko dituk

Euskaldunak oro

EUSKADI

Gure Aberria askatzeko.

Xutitu gaituk

Xutik egonen

Gaituk

Xutitzen dituk

Euskaldunak oro

EUSKADI

Gure Herria beregain jartzeko.

III

Gaur ostopoz-ostopo gabiltzak

mendi erreketan behera

bihar eman ahala kantuz arikogaituk

ostatu eta karriketan!

Gaur ixilka ibilki gaituk

gauari buruz sotoetan

Bihar agerian bilduko gaituk

plaza gainetan!

.......................................................................

Anaia

Hoooooo...

Anaia

Donostikoa

Begira, begira

Hoooooo...

Hementxe

Hantxet

Begira, begira

Hoooooo...

Haratxago

urrunago

Hoooooo...

Begira

Sortzer den

EUSKADI BERRIA

Hoooooo...

Anaia

Begira...

1969ko Ekainean

<< Olerkien zerrendara itzuli

Gipuzkoa.net
2011 Kultura, Gazteria eta Kirol Departamentua - Gipuzkoako Foru Aldundia
Creative Commons