ELE GALDUAK
Iraztorrean
Itsas-hegian...
Goiz hontan jeikitzean
Zerua
Goibel
Aurkitu dut!
Alta
Badakit
Norbaitentzat
Nonbait
Pozgarri
Agertu
Dela!
Iraztorrean
Itsas-hegian...
Goiz hontan jeikitzean
Igurikatzen nuen
Zeru poxia
Norbaitek
Nonbait
Ebatsi
Ote zidan?
Halere
Iraztorrean
Itsas-hegian...
Zendakonago
Zeru izkin bati begira
Itsua argiari bezala
Argiari deika
Eta itzalaren ondotik?
Zendakonago
Garbituko ez den
Zeru izkin baten haiduru
Zendakonago
Agertuko ez diren
Izarren haiduru?
Igurikatzen nuena
Ez da berdin etorriko!
Alta
Askotan
Oroitzen ote zara
Oraino?
Bide egin ginduen
Elkarrekin
Elkarri so eta
Ixilik:
Delako bidexka hura
Oroitzen ote zara
Oraino?
Delako bidexka hura
Laharren artetik
Iraztorrean
Itas-hegian!
Zure soaren lanbroa
Zure mintzoaren soinua
Zure barneko marruma
Zuhaitzen artetik
Iraztorrean
Itsas-hegian
Delako bidexka hartan!
Zendakonago
Zeru izkin bati begira
Itsua argiari bezala
Argiari deika
Eta itzalaren ondotik?
Zure soaren lanbroa
Zure mintzoaren soinua
Zure barneko marruma
Iraztorrean
Etsas-hegian
Itsua argiari bezala
Argiari deika eta...
Zure itzalaren ondotik
Joango naiz
Delako bidexka hartan
Intzirika!
Bretainiako Lannilisen 1968ko Uztailean
