MANEX ERDOZAINTZI

MINTZA HAKIGU...

Hire dailuaren puntan

Hire marteiluaren joan

Hire trakturraren burrunban

Hire erratz ukaldian

Hire harmaren tiroan

mintza hakiat

mintza hakigu

gure eleak ez dezan uka

suntsi eta gal

hik egunero bizi dukana

Dailu baten puntan

Marteilu baten joan

Traktur baten burrunban

Harma baten tiroan...

eta erran-ezadak

erran-ezaguk

batzu

nolaz diren lanetik eskapatu

nolaz diren itzalpean ttottotu

eta etzan...

eta nolaz diren nagusi eta manatzaileen lerroan

jatzarri

erran-ezadak

erran-ezaguk

GURE BURRUKAK EZ DEZAN UKA

SUNTSI ETA GAL

HIK EGUNERO PAIRATZEN DUKANA.

1973.ko udan