MUNDU ZABALERAKO!
Gure lur hontako bizian
Mundu barneko bideetan
Gazte indarrak odolean
Erne-ta azkar gaiten joan
Beti ixuriz bihotzetan
Amodio xorta gozoa!
Dei adarra dut joko
Gora erabiliko:
Lot ditela lanari
Euskal semeak oro
Mundu zabalerako!
Ilunbeak dira munduan
Trixtura gogo bihotzetan
Ibil gaiten batasunean
Elkarrekin ber urratsean
Gora atxikiz agerian!
Esperantzaren su berdea!
Dei adarra dut joko
Gora erabiliko:
Lot ditela lanari
Euskal semeak oro
Mundu zabalerako!
Aspaldinoko mendeetan
Haritz bat da sortu Gernikan
Bil gaiten haren inguruan
Eta xuti oldar gaitzean
Munduari eskaintzekotan
Askatasunaren hazia!
Dei adarra dut joko
Gora erabiliko:
Lot ditela lanari
Euskal semeak oro
Mundu zabalerako!
Ez gaiten ito ahalgetan
Ager burua gorenetan
Ta lurrak ez beretzekotan
Ez ibil gogoa herrestan
Mundu osoak jakin dezan
Gure Nortasunaren berri!
Dei adarra dut joko
Gora erabiliko:
Lot ditela lanari
Euskal semeak oro
1965ko Apirilean
